a
منتديات قبيلة كنانة منتديات قبيلة كنانة منتديات قبيلة كنانة منتديات قبيلة كنانة
 

 

 

آخر 10 مشاركات
تراثيات قبيلة كنانة (الكاتـب : إبراهيم إسحق جمعه جدو - )           »          قبيلة كنانة بدارفور (الكاتـب : إبراهيم إسحق جمعه جدو - )           »          الأشراف آل فلاح (الفلاحي) (الكاتـب : الفلاحي - )           »          مشجرة قبيلة الفلحة وجدهم نجاع الفلاحي (الكاتـب : آل قطبي الحسني - آخر مشاركة : الفلاحي - )           »          اضف اسمك في شجرة منتدى قبيلة كنانه (الكاتـب : خلاف الغفاري - آخر مشاركة : محمد الشويلي - )           »          عشيرة الحنيطيين في الأردن (الكاتـب : راشد مرشد - )           »          `•.¸¸.•´´¯`••._.• (ياعيون الكون غُضّي بالنظر )`•.¸¸.•´´¯`••._.• (الكاتـب : بوح المشاعر - )           »          تسجيل مزاحم .. علي العضلي ! (ابيات وقصيده) (الكاتـب : علي العضلي - آخر مشاركة : ذيب الفلا - )           »          تستري ياعيون محبوبي (الكاتـب : الشاعر أحمد الهلالي - آخر مشاركة : ذيب الفلا - )           »          قصيدة دينيه . عساها تكون للجنه سبب لدخولنا فيها ، الشاعر يحيى الزنبحي (الكاتـب : يحيى الزنبحي - آخر مشاركة : ذيب الفلا - )


العودة   منتديات قبيلة كنانة > قبيلة بني كنانة > مجلس القبائل العربية
التسجيل مـكـتـبـة بـنـي كـنـانـة التعليمـــات البحث مشاركات اليوم اجعل كافة الأقسام مقروءة

مجلس القبائل العربية تاريخ وأنساب وديار وأخبار القبائل العربية

ثورة ابناء بن سعود الملقب بالعرافة ونتاجها

مجلس القبائل العربية

ثورة ابناء بن سعود الملقب بالعرافة ونتاجها

السلام عليكم ورحمة الله وبركاته وجدت ان لهذا الموضوع علاقة بقبيلتنا العزيزة واردت ان اشرككم معي فيه ثورة ال عرافة في البداية ساستخدم لفظ الامام بدل الملك

إنشاء موضوع جديد  إضافة رد
 
LinkBack أدوات الموضوع انواع عرض الموضوع
قديم 11-09-2011, 11:33 AM   رقم المشاركة: 1
مشرف سابق

الصورة الرمزية آل قطبي الحسني



رقـم العضـوية 14
تاريخ التسجيل Mar 2010
عدد المشاركات 5,596
القبيلة نحن بنو يعلى من كنانة=رأس المضريين وفرسانها
مكان الإقامة إمارة بني يعلى
المهنة طالب
 
 
آل قطبي الحسني غير متواجد حالياً

mnq ثورة ابناء بن سعود الملقب بالعرافة ونتاجها

السلام عليكم ورحمة الله وبركاته

وجدت ان لهذا الموضوع علاقة بقبيلتنا العزيزة واردت ان اشرككم معي فيه


ثورة ال عرافة

في البداية ساستخدم لفظ الامام بدل الملك لان في تلك الفترة لم يسمي بالملك بعد . بعد تحرير الامام عبدالعزيز الحساء واجلاء الاتراك منها في عام 1331 هـ حيث قال الشاعر الحويدي العاصمي :-

مهـبـلك يا باغي من الحكم مثقال = وعبد العزيز مسـعـفـته الليالـي
حول على حمر الطرابيش بحبال = مثل السفيه اللي من العقل خالي
انـشهـد انه يا رجـاجـيــل رجـال = يـلوي ولا تـلوى عـليـه الحـبالي

وبقيت في يده وبعد معركة جراب تمرد احفاد الامير سعود الفيصل الملقب بابو هلا ( وذرية الامام سعود الفيصل يسمون بالعرافه اما في الوقت الحالي فغير اسم العرافة الى اسم سعود الكبير ) وهم قائدهم الامير سلمان بن محمد (غزالان) بن سعود الفيصل وامه دليل بنت راكان بن حثلين والامير فهد بن سعد بن سعود الفيصل والامير سعود بن عبدالعزيز بن سعود الفيصل وامه وضحه بنت حزام بن مانع على حكم الإمام عبدالعزيز بن عبدالرحمن آل سعودواراد ان ياخذ الحكم من الامام عبدالعزيز وبمساندة بعض القبائل وخاصة من اخوالهم يام وفي مقدمتهم العجمان بقيادة الشيخ ضيدان بن حثلين في أواخر عام 1332هـ .
سيطر الامير سلمان العرافه ومن معه على الحساء فنادى الامام عبدالعزيز انصاره الى نصرته في هذه الحرب فحضرت القبائل المسانده له من امثال قبيلة بني هاجر وهذه قصيدة للشاعر بجاد بن ملفي القرفي الهاجري قالها ملبين لنداء الواجب لتحرير الحساء :-

مـن الـحـفاير صلاة الصبح بالسله = نـقـدع الـجـمـع شــبـان وشـيـبـانـا
جـمـعـنـا دلـقـتـه للـمـوت طـبـع له = لـعـنـا اللـي رفـع صـوتـه يـنـخانا
سـعد من حن نهار الضيق ربع له = حـن بـني هاجر والصلب قحطانا

بدات الحرب في اوئل عام 1333هـ وسميت بحرب الحسا وكانت حرب طاحنه قتل فيها الكثير من الطرفين فقد استغرقت الحرب تقريبا تسعة أشهر والدليل قول الشاعر عمير بن راشد ابن عفيشة الهاجري :-

خـذيـنـا وهـم تـسـعـة شهور مهلله = وحذف النشاما مثل حذف النصايع

كما يعلم الجميع ان الحرب كر وفر لذالك ارى والله اعلم ان حرب الحسا انقسمت الى ثلاثة اقسام القسم الاول يسمى بحرب كنزان وقد شاركت قبيلة بني هاجر بقيادة الامير شافي بن سالم في حرب الحساء في صف الامام عبد العزيز آل سعودوفي هذه الحرب الطاحنه يجب ان نذكر ان هناك رجال لم يشاركو في الحرب الا انهم قد ساندو ربعهم بمدهم بالسلاح مثل ابن طراق وهو من تجارالبحرين .وقد انتصر الامير فهد العرافة في كنزان والدليل قول ابن عفيشة :-

تـهـيـا لـنـا مـعـهـم بـكنزان معركة = بـلـيـل رمـن فـيـه الـصـبـايا القنايع
سرى ليلنا معهم إلى باكر الضحى = وهـو ذبـح ومـذابـح وعـقـر وقلايع
وقـادت ظعاينهم وسارت جموعهم = إلـيـن الـرعايا شرعت في الزرايع
وقـالـوا عـقـب كـنـزان نلنا مرامنا = بـقـيـظ تـحـت ظـل الـغرس الهنايع

وكان من اهم اسباب الهزيمة في كنزان مقتل الأمير سعد بن عبدالرحمن آل سعود اخ الامام وهو يشبه الامام عبدالعزيز حتى باللباس فشيع أن الامام عبدالعزيز مات فانسحبت بعض القبائل المسانده للامام والحقيقة ان الامام أصيبفي كنزان وكانت أصابته بالغه في بطنه ويقال انه أعلن زواجه في نفس اليوم الذي أصيب فيه وتزوج ليطمأن من بقي من جيشه ويعلمهم انه بخير ويقال ان الامام عبد العزيز قد قال هذا البيت :-

حـنـا هـل الـعـوجـا مـضـيـقـت الـنـسـم = تـركـد بـنـا دارن بـاهـلـهــا مـايـلــه
حــنـا ولــيــنــا دار رزنــيـــن الـــقــــدم = اهـل الـقـنـازع والـعـلـوم الـطـايـلـه

وهذا الشاعر نغيمش بن هادي يرد على عبدالعزيز:

جـمـع الـعـوارض يـوم جـيـنـاه انـهـــزم = راحـت عـلـيـهـم والجـمـوع تخايلـه
عـقــب الــتــزنـجــر مـايـفـكـون الـلــزم = وارقابهم من ضرب الايـدى مايلـه
لـيـل(ن) عـلى ابـن سعـود يالـيل النــدم = راحـت الاصايـل والاعمـار الطايلـه
اخـيـك مـن ضـرب الـمخابـيـط انـكـتـم = وراك تـقـفـي مـنـه وانـت تـخـايـلـه
صابك وصاب اخـيك من الموت السهـم = من غـيـر عِـرف ليـتـنـا فـي القايلـه
ثــوبـه جـديــد وانــصـفــق قـد فـيــه دم = مـن كـف شـغموم(ن) مضت فعايلـه

قال شاعر عجمي :-

كـلـه لـعـيـنـا لابـس الـثـوب الحـمر = نـركـض عـلى الـشـوبا ندور لليمام

ورد عليه الشاعـر فـهـد بــن جرشب آل ضمين الهاجري :-

بـديـت باسـم اللـي كـفـانا كــل شــر = كـل الـملا ترقـد وعـيـنــه مـا تـنـام
يا راكـبٍ مـن فـوق نـابـيـة الـظهــر = عـدا بـدايـد كـورهـا نـبـي الـسـنـام
تـشـدي لـهـيـق ذار مخطـيـه القـهـر = زينٍ وصايـفـهـا مـع جـول الـنـعـام
ملـفـاك شـاعـر لابة صاحـب نـظـر = شـوق الهـنـوف اللـي يـدور للـيمـام
بـيـنه وبين الـشـيخ شـوحـات وعـر = فكم كسر دونه من صليبات العظام
دونه بـنـي هاجـر مصاليـة الخـطـر = حـريـبـهـم ما ارتـاح قـلـبــه بالمنـام
مـثـل الـجـبال اللي مراقـيـهـا وعـر = والا هـديـب الـشـام لـمـن قــام قــام
قـريـبـنـا يامـن بـنـا مـن كــل شـــر = فـي ضـفـنـا يـهـمل ويرمي بالحزام
من دون ابو تـركي رمـيـنا بالـغتـر = يـوم اسـتـعـان ابنا على صبيان يـام
عـقـب صـبـيٍ غـاب عنـا ماحضـر = الا بـعــيــد الـــدار مــنـــا مـــايــلام
يابـنـت يا للي خـدها مـثـل الـقـمــر = بـالـزيـن تشدي مثل بدرا في ظـلام
غرٍ يحط الصوغ الاحمر في النحر = ويـكـيـف الـمـبـسـم بـدقـات الوشـام
لاتـعـشـقـيــن الا مـصاليـة الخـطـر = جـلابـة للـروح فـي ســوق الـمسـام
يـوم الـفـشـق مـن بيننا مثـل الزهـر = مـتـخـالـفٍ فـي قـاعة البـرج الهـدام
تـمـت وصـلـيـنـا علـى سيـد الـبشـر = اعـداد مـزنٍ لاتـهـلـهــل مـن غمـام

وبداء القسم الثاني من الحرب ويسمى محيرس وفي محيرس استخدم المدفع سرهيد المشهور ويقول الشاعر عمير بن راشد ابن عفيشة :-

وظهرنا لهم عند المحيرس بجمعنا = سـيوفه كما وصف البروق اللمايع
وفـضـنا كما سيل تحدر من الجبل = يـعـم الـوطـا والـمـستوى والرفايع
وثـار الـقـهـر بين الشنيفين والتقوا = وسـرنـا بـسـلات الـهـنـادي مشايع
وحضرنا وهم في ماقـف موعد لنا = وصـاح المحـرج بين شاري وبايع
وباعوا عـلينا واشـتـريـنـا بـسوقهم = وبـعـنـا عـلـيـهـم غالـيات البضايع
وبـيـع الـنـفـوس بـسـوقـها عادة لنا = طـبـيـعـة ولا نخلف عزيز الطبايع

يقول الشاعر فهد بن جرشب الهاجري :-

جعل يسلم عقيد القوم اخو نوره = نايف مرذي الحربـي بالاكوانـي
معطي دون قومه بعض مقـدوره = وغير سرهيد جر المدفع الثانـي
لين ابن حثلين نار وقاد مظهوره = وانهزم هو واخو صيته وسلماني

وهذه قصيدة في رثاء بجاد بن علي بن ملفي القروف قالها عبدالرحمن بن ملفي بعد مقتل بجاد في معركة المحيرس :-

الـبـارحـة عـيـنـي مـن النوم مقزاه = أنا أشهد اني داري وش علامي
تبكي على اللي في المحيرس دفناه = أميرنا اللي نفتخر به دوامي
لاجـات صـكـات الـلـيـالـي ذكرناه = ونذكره لارد البرا والزحامي
من دون ابو تركي بـسـوقه جـلبناه = ورخصت عمارا عندنا ما تسامي
كـم واحـد مـنـهـم بـثـاره خــذيـنـاه = لا شك ما يبرد على الكبد حامي
بــيــوتــنـا وسـط الـمـبـرز مـبـنـاه = والجو من عج الرمك له عسامي
مـا دام ابـو تـركـي يـبـيـنـا تـبـعناه = باهل الموت متيهين الجهامي
وشوبا على ضرب المعادي مضراه = وحدب الظهور اللي تقص العضامي
هـواجـر نـعـرف نـهـار الـمـلاقــاه = لا جاء نهار فيه شد الحزامي
مـن راح مـنـا ذا الـسنه ما حسبناه = ونرجي من المولى بنصر دوامي

وبداء القسم الثالث من الحرب ويسمى الوزيه وفيها أخذت بعض القبائل المسانده للامام عبدالعزيز تنسحب من الحرب بعدما طال رحاها إلا أن الملكعبدالعزيز استطاع وبمناصرة وثبات قبيلة بني هاجر أن يسترد الإحساء في نهاية عام 1333هـ وفيها سمى الامام عبدالعزيز طيب الله ثراه قبيلة بني هاجربـ ( خزنة الظفر ) ويقول الشاعر عمير بن راشد ابن عفيشة :-

وبالوقت الآخر بالفـضا ضيقوا بنا = وعـدوا عدوة منها تشيب الرضايع
وعـديـنا عليهم عدوة تعجب النظر = وتـعـرس بـهـا فـتـيـاتـنـا والرجايع
ويـومٍ تـجـي مـنهـم عـلينا وننهزع = ويـومٍ تـجـي مـنـا عـلـيـهـم هـزايع
وطـبـعـنـا بـهـم يوم وسدوا طريقنا = ولـولا مـنـعـنـا الله بـعـجل السرايع
وقـمـنا نشاوعهم على طول قيضنا = وكـل بـحـثـلـه عـلـتـه والـوجــايـع
خـذيـنـا وهـم تـسـعـة شهور مهلله = وحذف النشاما مثل حذف النصايع
مع من طوينا الجال به من شيوخهم = طمعـنـا براس الشيخ يوم الصعايع

ويقول شاعر بني هاجر هذا البيت يسندها على الملك عبدالعزيز :-

ديـار جــدك لا تـولـيـهــا الـكـفــر = حتى عجم كسرى تقول أنها لـهـا

الشاعر تركي القريطي من الفلحة قال هذه الابيات:-

يبون يضدونا بالـكـثر وحـنـا ضدهـم = بحـد الـنجـاري لا ركبنا ظهورها
هـواجـر تخـطـي ولا تـقـبـل الخـطـا = شويين ونعطي كل عين غرورها

وهذه قصيدة درع ابن الاعرج المظفري الهاجري :

يـا الله يـا مـنـهـو رقـيـب فـوقـنا = يـعـلـم دبـيـب الـذر فـي الـظـلام
اغـفـرلي لـمـن هـويـت بـحـفره = بــحــفــرةٍ مـا عـاد مـنـهـا اقـيـام
جـمع الهـواجر مثـل سيلن انتحا = ســيـل تـحـدر مـن عـلـو اعـجـام
يـامٍ مـلـيـنـت الـحـديـد الـقـاسي = وحـنـا انـلـيـن مـا قـسـا مـن يــام
جـانـا مـن القـبله اجموع مردفه = سـبـع الـقـبـايـل يـتـبـعـون احـزام
وانا احـمـد الله يـومـني من لابةٍ = عـــدوهـــم تـــاطـــاه بــالأقــــدام

الشاعرة جدعه بنت فهيد ال حبيبان آل جدي ومسنده ألقصيده إلى أسير عند بني هاجر واسمه مهنا من العجمان:

مـاشـفـت حـربـة مـاضـي يـا مـهـنـا = بـيـن الـضـلـوع وطـيـرت بالـثـنـادي
ونــعــم والله يــوم حــرجــم ظــعـنـا = يـوم الـعـذارى لـلـنـشــامـى تــنــادي
هــواجــر كــل شــكـا الـضـيـم مـنـا = شــويــن ونــكـلـنـا جـمـيـع الـبـوادي
خـــيـــالـــهـــا لا مـــن زرفـــلــنــا = خـيـال سـهــج مــقــرعــات الــتــوادي
حـتـى الـبـحـر يـمـشي بالارفاق منا = ويـامـا فـضـيـنـا مـن خـزايـن بـلادي
يــام نــبــي مــنــهــم ويــبــون مـنـا = وراعـي الـوفـى يـبغي حقوقه وكادي
دام الـجــبـال الـراســيـه مـا مـشـنـا = مـا بـيـنـنـا حـنـا ويـا م مـن ســـدادي

قال أحد شعراء العجمان هذا البيت من الشعر خلال حرب الأحساء :-

الحـساء شاكيٍ من حـكـم ماموره = بـاغـيٍ حـكـم أبـو خـالد وسلماني

رد عليه الشاعر فهد بن جرشب الهاجري بهذه القصيده :-

يا نـديـبي على اللي ناسـعٍ زوره = لا طـفـوقٍ ولا سـيـره بـمتوانـي
كـم قـطع من نبا حزمٍ وجافـوره = كن هذيله هذيل الذيب سرحاني
كـنـه بـتـيـل سـاج نسـع دستـوره = سـمـتـرا دامنه والريـح طـوفانـي
يـلـفـي الشـاعر اللي تايـهٍ شـوره = عـلـمـه بالخبر قاصيـه والدانـي
وانشده من حواله عقب ذا البوره = حـده الله وضـده عـقـب كـنزانـي
لين هدمه قصر ما يكسي العوره = عـقـب مـا ملبسه جوخ وقيلانـي
غــرتــه قـريـةٍ بـالـذل مـذكــوره = خـاونت له وخان ابها أبن فاراني
يحسب أنه ملك في هجر ونهوره = يـوم ينزل طرف غرسٍ وبستاني
والـحـساء ما يدور غير مامـوره = شـيـخ هجرٍ واميره عم سبعانـي
جعل يسلم عقيد القوم أخو نوره = نـايـف مردي الحربي بالاكوانـي
معطيٍ دون قومه بعض مقدوره = وغـيـر سرهيد جر المدفع الثانـي
لـيـن ضيدان نار وقاد مظهـوره = وانهزم هو واخو صيته وسلماني

وقتل في حرب الحسا عبد الله بن محمد بن سعيد بن ذروة آل زايد ( طاير الشوف ) وقال الشاعر في طاير الشوف :-

يـا بـني هــاجـر ومـحـمـد لـمـا = طاير الشوف يبغي من يثاريبه
والله ما يبري الهاجوس والهـما = كـون يوم جـميع الناس تدريبه
كـون يـوم يـكـثـر سـايـل الـدما = ذا طـريـح وذا ينقـل بأصاويبه

وبعد الهزيمه النكراء اللتي مني بها امراء ال عرافة في حرب الاحساء في سنه 1333هـ وهروبهم ومن بقي معهم من جيشهم من ارض المعركة تاركين ورائهم الكثير من الغنائم وقد دبت الفرقه بين الامراء انفسهم فمنهم من لجاء الى قطر من امثال سلمان بن غزالان العرافه وتوسط الشيخ عبدالله بن قاشم ال ثاني بينه وبين الامام عبدالعزيز فذهب الامير سعود بن عبدالعزيز واصطحبه في العوده وكان اخر احفاد سعود بن فيصل العائدون الى طاعة الملك. ومنهم من استسلم مثل الامير سعود بن عبدالعزيز العرافه وقد كان متزوج من نورة بنت عبدالرحمن اخت الامام وبعد الاحداث اجبر الامام العرافه ان يترك نوره وإلا الثمن سوف يكونحياته فأنصاع لأوامر الامام وقال حينها هذه القصيدة :-

راكبن شهب الغوارب حجل اليدي = ذارياتن بالمعــارج والنكـــايف
كنها ليروحت قـعدول صـــــيدي = علقن بكــوارها حبل الســفايف
ماحلـى مرواحها من صــوب سيدي = وما حلى مسراحها وإن هب طايف
صاحبي في روشنن دونه عبيدي = يفرش الدوشق على زل القــطايف
ريق نــوره سكرن جــابه جــريدي = وزينها عدى على زين الشــرايف
دونه هل العوجا مناحيت الضديدي = وكم وليفن يفرقونه أمن الولايف


ومنهم من اراد الاستمرار في الحرب من كالامير فهد وذالك بان يتوجه الى الشمال ويعزز صفوف جيشه ويعد العدة من جديد ليحارب الامام عبدالعزيز عن طريق الهجوم على القبائل المواليه للامام التي تقع في طريقه وهذا الامر سينتج عنه امران مهمان الامر الاولى هو اثارة حالة الرعب والهلع بين الناس اما الامر الثاني هو تعويض ماخسره في حرب الحساء من مال وسلاح فستشار الامير من معه من اهل الحل والعقد فاشار عليه الشيخ ضيدان بن حثلين بان يبداء بفخذ ال صبيح من بني خالد معلل ذالك لقربهم منهم الان ولوجود خلاف حاد بين ال صبيح والعماير من بني خالد حيث ان العماير حلفاء لهم وان ال صبيح حلفاء لبني هاجر بمعنى ان القضاء على ال صبيح سيكون سهلن عليهم فوافق الامير على ذالك وارسل الشيخ ضيدان بن حثلين مرسول الى الشيخ حماده العقل ( اخو زهيه ) امير العماير من بني خالد يخبره بانه سوف يهاجم ال صبيح فقط واخذا المرسول يذكره بالحلف الييجمعهم مع العماير وكأن الشيخ حماده لان لرأيهم وكان الشيخ ضيدان متاكد في قرارة نفسه ان الحقد والكره الذي بين العماير والصبيح من جراء الحروب اللتي وقعت بينهم في السابق سوف تدفع العماير الى عدم المشاركه وترك ابناء عمهم الصبيح ليلقوا حتفهم وستكون هذه ضربة قويه الى قبيلة بني هاجر اللتي ستضعف بفقدان احد حلفائها والدليل قول احد شعراء العجمان هذا البيت :-

والله ماجينا من جنوب صايلين = كــود نـاويـن للــهـواجـر بالفنا

فستشار الشيخ حماده كبار ربعه و قال لهم ماذا تقولون العجمان ناوين يغزون الصبيح يتزودون بهم ويطلب منا الابتعاد عنهم وانهم لا ينون غزونا فاجابه الشيخ فارس الحسن ابن فويرس بان العرافة وجيشه بيقتلون بني عمهم ويرملون نسائهم وبيتمون اولادهم وبعدها بيعودون علينا فانتبه الشيخ حماده الى الامر ورفض طلب ابن حثلين و قال للمرسول كلمته المشهورة قل لعمك من تغدى بصاحبي تعشابي . فستعد الطرفان للحرب ( الامير فهد العرافة والعجمان من جهه وبني خالد الصبيح والعماير ورجال من البريكات من العوازم من جهه اخرى) عند مكان يقال له مريخ بالقرب من النعيريه وهو عد ( بئر ) يقع شمال ابو حدريه تقريبا قبله من الزور فتقابل الطرفان وبداء القتال وانتهت الحرب بانتصار بني خالد في مريخ وذالك بمقتل الامير فهد العرافة وسميت الزبارة اللتي قتل فيها الامير فهد العرافة بزبارة العرافة الى يومنا هذا وبموت الامير تم القضاء نهائيا على ثورته والتي تعد اخر ثورة او حركة تمرد على الامام عبدالعزيز اما بالنسبه الى العجمان فهذه الحرب قد اللحقت بهم خسائر وخيمة ادت الى نزوحهم الى الكويت والعراق .




e,vm hfkhx fk su,] hglgrf fhguvhtm ,kjh[ih












التوقيع

نقرتين لعرض الصورة في صفحة مستقلة
الشيخ:/ محمد بن حسين بن بيطلي بن حسين أبوعطله العامري
شيخ شمل قبيلة بني يعلا بوادي يبه

 
آخر مواضيعي

0 من الذي باع أراضي فلسطين لليهود ؟ سمسار اسرائيلي يؤرخ ويروي الأسماء !
0 محامي الجيزاوي: موكلي مغرر به وسأطعن بالإجراءات وانسحب إذا رفض طلبي
0 مقتدى الصدر الرافضي يلتقي معارضين بحرينيين في إيران
0 زيارة الملك سعود بن عبد العزيز للأردن على ظهر جواد عام 1933
0 الداخلية تكشف تورُّط الزنادي في إطلاق النار بالعوامية وتقبض عليه مصاباً

عرض البوم صور آل قطبي الحسني   رد مع اقتباس
قديم 11-09-2011, 11:34 AM   رقم المشاركة: 2
مشرف سابق

الصورة الرمزية آل قطبي الحسني



رقـم العضـوية 14
تاريخ التسجيل Mar 2010
عدد المشاركات 5,596
القبيلة نحن بنو يعلى من كنانة=رأس المضريين وفرسانها
مكان الإقامة إمارة بني يعلى
المهنة طالب
 
 
آل قطبي الحسني غير متواجد حالياً

افتراضي

ويقول الشاعر ناصر بن سلمانبن شخبوط العميري الخالدي في وصف المعركة:-

انـسـاح بـالـي يـوم ردلي خـبر = من ربعي اللي بالوهيله حاضرين
يوم القريزيثار و الداخن سكر = ربعي على حوض المنايا واردين
ماذكروا بالهيه نهار المحتضر = كـود العـمايـر اهل الجمع الرزين
سلام يازيزوم يالوجه الخضر = شبيب يالممدوح يالوجه اليمين
هو شيخنا لا جا من الحاكم غير = ريف الركايب لا قبلت بالغانمين
حربي كما حر ليا منه شهر طير = السعدقناصته متنومسين
وفارس الممدوح من زود الفخر = ماضي الفعايل شيخنا ذكرهيبين
زيزوم ربعه شايلهم زود الظفر = وردو حيااض الموت قرم العايلين
يومالجنوبي جاك شايله الوجر = جمع جنوده بحتمال حايلين
ضيدان يبغى الطايله ولاقدر = هذي تدابير الولي ياذاهنين
يانحمدلله والجنوبي ماانتصر = عقب المعزةراح ضيدان حزين
قم يانديبي فوق نابيه الظهر = وجن الهميم ومنوة للمنتوين
ملفاك ابو تركي ورد له الخبر = قله كسرنا عز شيخ الحاربين
دمامهم خذناه وبيرقه الخضر = في ساعة به لابتي متنومسين

الشاعر مسلط ابن عصمان العميري الخالدي:-

لابـتــي صـفــووصـيــرو زافـتـيــن = واجـهـلــو لــلــروح تـالـيــه الـفــنــا
لابـتــيصـيــور مـاغـطـي يـبـيــن = والـردي محـدن عـلـى عيـبـه كـنـا
لابتي يشكى لكمصافي الجبيـن = وعــقــب الــلــي لا نـخـنــه مـاثـنــا
وافـــرحـــييـــادارنــــا لاتكرهين = وازهمـي مـن كــان سـايـده الطـنـا
واطـمـحــي والـغـيـرنـا لاتعـشـقـيـن = كـــود مـــن ســبــل وســــوامـثـلـنـا
يــااهــل الــعــادات ردو لـلـسـنـيـن = مـايـفـك الـــذل مــــنيــومــه دنــــا
في نهار(ن) يودع القاسي يلين = عسكـر الـدخـان والسـيـفاحتـنـا
لا لـعـيـنـاكـم كـعـمــنــا الـعـايـلـيــن = والـمـعــادي بــيــتعــــزة مـابـتـنــا
ليت ابو تركـي وربعـة حاضريـن = فــوق جــال مـريـخينـظـر فعـلـنـا
صــاروا العـجـمـان فـيـنـا بـايـريـن = بــالـــلـــوازم مــاعــطــونــا حــقـــنـــا
قـبــل هـــذا لـبــو خـالــد مـرفـقـيـن = حاسبين (ن) جندهم مـن جندنـا

الشاعر مسلط ابن عصمان العميري الخالدي :-

يالله وانا طالبك ياعالي الشاني = يافهيم وسدالغيب تريبه
عز ربعي على من زارهم عاني = صايل بالضغن والجمع يزميبه
واستوى فوق جال العد عكلاني = حام طير الهوى من طايح الريبه
يوم جاناصلاه الصبح ضيداني = مثل سيل تحدر من محانيبه
والتقوا للحماقه بام سيلاني = باعوا الروح في حزة مواجيبه
ساعه واستوى للملح دنداني = الدخن ساكب والعجيومي به
كيف ضيدان فينا يقطع العاني = عقب مافات هذا اللي يجازيبه
ماذكرهيه الوفرة بالاكواني = يوم جات الشلايل مع مناديبه
حنا عطيناه حقه يوم جاءعاني = علط الارقاب نحال مقاضيبه
كان ذيب الردايف بات جيعاني = بشروا دارعد عاوي ذيبه
بشره بالعشى خيل وصبياني = يوم سوق الغلا باعوا جلاليبه
كمهنوف هواها كل ديغاني = عقب عشيقها كثروا خواطيبه
تمحش الدمع من منقوشالاوجاني = عقب جرح جديد فاري جيبه
شوقها طايح للخيل ميداني = توها مع نكيفالقوم تدريبه

الشاعر سعد بنراشد القاطع الصبيحي :-

بديت باسم الواحد الفرد الرقيب = والدين دينالله ومن يشرك كفر
الخالدي مبداه بالقول العجيب = مثايل يشتاقله راعي النظر
قم يانديبي فوق عجلات الخبيب = حيل مراديم رعن نبت الزهر
هن منوة المشتاقبالدرب الصعيب = ومكلفات في مراسيل الخبر
تلقى بني عمي اكعام للحريب = لارزتالرايات والنشر الخضر
خوالد ترد المعارك ماتهيب = وردوا حياض الموت يوم اللهومر
بامتوجات ضربهن ضرب عطيب = ومشوكات ضربهن يفري النحر
وسيوف هند تكسرالعظم الصليب = مضرابها لاصاد عظم ماجبر
من ضرب جمع لانطح جمع الحريب = يومالملاقى ماتتقي وإعتذر
يوم إمتلى الميدان شبان وشيب = ارعد رصاص سيله الدمالحمر
ياذيب ياللي بالخلا تقنب قنيب = تصبح من الشوان تنحاك الجعر
ابشربصيد من بعيد ومن قريب = عقاير تاكل بها دب الدهر
ياهيه يالمجمول ياعين الربيب = ياللي تحط الروس بالجلد العفر
لاتعشقين الا مصليت الحريب = اللي فعايلهم يشدبها الظهر
من فوق جال مريخ شرقي القليب = حل المثارا واشتعل سو القهر
يلعببها القاطع سعد لعب عجيب = بأفعــال ربعه شايف منهاالدجر

وهذه قصيده لشاعر عجمي يمتدح العماير من بني خالد ويقال انه اسير ووجد حسن الضيافة وهذه عادات العرب فقال هذه القصيده :-

والله ماجينا منجنوب صايلين = كــود ناوين للــهواجر بالفنا
ونطحونا ربعنا الليخابرين = العمايـر مرويه عود القـنــا
العماير مرويه السيف الصقيل = لـيت جندهم مـن جـــنـدنــا

الشاعر سعد القفيدي العازمي :-

ضيدان جانا وكل من ركب زيّة = يبي الغنم والمعقل غير ماجاها
جانا نهار المشاهد ناويٍ نية = لين إنقلب نايرٍ والرجل خلاها
مجسّره قبلنا نجع الحساوية = ضيانهم شبّبت مير اللهأطفاها
جمع العماير كما دولة سوارية = سرنا وساروا بحكم اللهومشّاها
وتشلّعوا مثل عمدان التهامية = من ضرب ربعٍ تشب الناربأتلاها
ويوم أرعدت وأمطرت يا دافع السيّة = دوق بها الشرق والغربييتقفّاها
رشاشها من مخابيط السنافية = والنوْ ملح القريزي لاتغشواها
طفة بويبة عليها طاح وسميّة = تحدّرت يم داهن وانتثرماها
ويوم العرافة يطيح وتنثر دميّة = غابت نجومه وغاب بليسويّاها
ونشره على اللي يروّي العود بالهيّة = لو هو بعيدٍ عذرناهوعذرناها
هو ما درى إنّا لهم قصرٍ وهم فيّة = والله قضى الشان والهرجةتوحّاها

الشاعر شبر الصابري العازمي يقول :-

هاضني مع صلاة الصبح يامية = والعرافة مع العجمان يقداها
يوم جونا يبون العرب حلية = من قديم وحنا ماعطيناها
وإبلنادونها ملح القريزية = بالمناويخ نرعاها ونقداها
يوم سرنا بصبيان عواجيه = قامت البيض تنهم كل من جاها
واستوت ذبحة عند أول الهية = خيلهم ردت أولهاعلى أتلاها
همل الكسب والعجمان رجليه = وسابقة في مناره قامينخاها
خابر فعلنا يوم العليمية هية = الطف ما يمديه ينساها
إنصفينا مع الحاكم لنا نية = لو وطى جمرة ملزوم ناطاها

وقيل :-

يالله لامن جينا هلنا = ياللاش مانثني عليه
نثنى على اللي يوم سرنا = والقرم سلم لي عليه
يالبيض ياللي تعشقنه = من ذل قولٍ مانبيه
شومن شغمومن تثنا = والذل مايطري عليه
ضيدان جانا عند اهلنا = ماهو بماجوب عليه
دوك العرافا من طعنا طير الهوى يكسر عليه
ياسعود وان نشرت عنا = ضنك وحن زدنا عليه
من غاب عنا ماشحنا = هذاك مانبكي عليه

وقيل ايضا :-

يامخيل من جنوب على العقبي نشا = سيله الدم الحمر لمطرت مخايله
فوق جال مريخ للذيب كثرنا العشا = كم صبي عشقته دورت بدايله
جمعنا اللي يوم جونا مع العدوة مشا = جمعنا القالط وكل الجموع تخايله
اقتضينا الدين لعيون ملهوف الحشا = واقتضينا الدين واقفت عليهم مايله

الشاعر فهد بن جافور العازمي يقول :-

نحمد اللي عزنا يوم جونا عايلين = يوم جونا واردينلطمناهم حيام
مارد حنا على الكبد شين من سنين = نلطم العييل والشره ينشق الكمام
يوم ابن حثلين ضيدان ماهاب القطين = والعرافة يضرب الطبل مع صبيانيام
واظهروا له لابتي ما توانو له بحين = واحمضوا ربعي وربي جلا عناالغمام
يوم جانا جاه كما رش الغشين = من مخابيط القريزي مشبضتالعظام
كل شغموم نهار الملاقي صيته يبين = جمعنا الدلال بالصيف ياردالعلام
كم صبي طاح بنحورهم جر الونين = من تقدم طاح في وجه هدتناوشمام
يحسبنا يوم شفنا البيارق خايفين = ما درى ان خوض المنايا يوم حام
لابتي يوم الملاقي هل الجمع الرزين = كان عقلت المظاهير جا هرجوتمام
دبروا يوم القريزي لباروده رنين = ليا مشوا لين جمعهم مثل دولاتالنظام
خابرين افعولنا من عصور الاولين = من سنين ماضيه محتمينهالجهام
انطحوهم لابتي عند حلوات الشنين = والعمار مجلبه مالها سوقتسام
ثم صارت عرصه شيبت بالمرضعين = نومست ربعي وعدوانهم راحوعدام
من حضر منهم تعذر وسد الغايبين = حق ربعي بالملاقي الفقارهوالسنام
نعم في جمع العماير كعام العايلين = كاسبين الطيب والمرجله يوم الزحام
يوم تمت هللو كلكم يامسلمــــــين = عقبها على محمد صلاتـــي والســـــلام

الشاعر الصقلاوي العازمي يقول :-

كان يزعلك منا ذبحت الراعي = قـد ذبحـنا العـرافة وبن حثليني

يقول الشاعر مطلق بن سويد الهيم العازمي :-

يالله اني طالبكيا الوالي منشي المخيل = عالمن كون الليالي وعالم غيبها
تـنصر اللي باللقافعلهم فعل جميل = يكرمون الجار عاداتهم من طيبها
ويوم جا ضيدان مشف على بوش العميل = جمع علينا جموع يبي يوفي بها
ول يا ضيدان وليت يالقلب الهبيل = ليهتجلب لابتك لين ضحي بها
المعادي ان عادنا سقيناه الغليل = كاس مر يسطحالكبد حين يصيبها
والعرافة طاح من ضربنا ماعاد شيل = هملوه بقاعة البير يومإرمي بها
بالملاقي نذبح الشيخ والقبا الاصيل = لين خلينا الجنايز يكيفذيبها
كم صبي في نحانا على راسه نميل = يعطي البندق وهو قبل مايصخيبها
وكم هنوف من سبب لابتي تشكي الحليل = من تنشدها المناكيف شقتجيبها
عقب رفقتها مع الشوق واللبس الجميل = جددت لبس الزرابيل عقبصحيبها
محتمين العرب من يوم بندقنا فتيل = جنوبها جعل تفدونها عيىبها
بأم خمس اللي تفرق عميل من عميل = من حضر فيها ا الايام يذكرطيبها
يارموق العين يا راعي القرن الطويل = ما سمعت عن عذاريبنا سجيبها
يا النشامي المرجله فيها في ظليل = والمذله مثل بير دمرهاسيبها
هيه يالخطيب احذرك من بنت الذليل = خل بنت النذل ياشين وش تبغيبها


ان شاء الله اكون قد وفقت في طرح الموضوع وتوضيح اسباب حرب الحساء ومن كان لديه اي زياده فلايبخل علينا



وشكر للجميـــع





منقوووول











التوقيع

نقرتين لعرض الصورة في صفحة مستقلة
الشيخ:/ محمد بن حسين بن بيطلي بن حسين أبوعطله العامري
شيخ شمل قبيلة بني يعلا بوادي يبه

 
آخر مواضيعي

0 من الذي باع أراضي فلسطين لليهود ؟ سمسار اسرائيلي يؤرخ ويروي الأسماء !
0 محامي الجيزاوي: موكلي مغرر به وسأطعن بالإجراءات وانسحب إذا رفض طلبي
0 مقتدى الصدر الرافضي يلتقي معارضين بحرينيين في إيران
0 زيارة الملك سعود بن عبد العزيز للأردن على ظهر جواد عام 1933
0 الداخلية تكشف تورُّط الزنادي في إطلاق النار بالعوامية وتقبض عليه مصاباً

عرض البوم صور آل قطبي الحسني   رد مع اقتباس
إنشاء موضوع جديد  إضافة رد

مواقع النشر (المفضلة)

الكلمات الدلالية (Tags)
ونتاجها, الملقب بالعرافة, ثورة ابناء بن سعود


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهة
الموضوع كاتب الموضوع المنتدى مشاركات آخر مشاركة
ابناء كنانة للتصحيح بني حرام الكناني أنساب قبيلة كنانة 3 26-08-2012 10:08 AM
ضد ثورة حنين الحجاجي قصائد الأعضاء 4 08-10-2011 01:52 AM
صور ابناء بعض اللاعبين السعودين همسة غلا منتدى الرياضة 2 11-09-2011 12:09 AM
شبة النار من عادات ابناء الباديه ابن الكريمين رحلات القنص و السفر و السياحة 6 18-06-2010 06:00 AM
إهداء لصاحب الكسرات الملقب باعزوز شموخ إنسان الكسرات 8 26-05-2010 10:43 PM

RSS RSS 2.0 XML MAP HTML

الساعة الآن 06:13 AM

Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Ads Organizer 3.0.3 by Analytics - Distance Education
Search Engine Friendly URLs by vBSEO 3.6.0
جميع الحقوق محفوظة لمنتديات قبيلة بني كنانة و جميع المواضيع والمشاركات المنشورة لا تمثل وجهة نظر إدارة الموقع إنما تمثل وجهة نظر كتابها

Security team

  منتديات قبيلة كنانة